खैरेनीमा दिनदहाडै स्ववियु सभापति अपहरण र आक्रमणको प्रयास
कार र मोवाइल गायब,पौडेल अपहरणकारीको पञ्जाबाट जोगिए
देवदह आदर्श बहुमुखी क्याम्पसका स्ववियु सभापती कृष्ण पौडेलमाथि अपहरण र आक्रमणको प्रयास भएको छ ।
फागुन १८ गते सम्पन्न स्वतन्त्र बिद्यार्थी युनियनको निर्बाचनबाट अध्यक्ष चुनिएका उनी अपहरणकारीको फन्दाबाट उम्कन सफल भएका छन् ।
उनी अनेरास्ववियु रुपन्देही जिल्ला कमिटी सदस्य समेत हुन् । आज खैरेनी चोकमा उनी सवार बा १५ च ७२७९ नं. को निजी अल्टोकार र मोबाइल अपहरणकारीले लगेका छन् । सो कार उनैले चलाएर खैरेनी चोकमा केहिबेर रोकेका थिए ।
सो कार खैरेनीचोकबाट अपहरणकारीले पूर्व तर्फ लगेको हुन सक्ने अनुमान गरिएको छ। तर उनी भने अपहरणकारीको पञ्जाबाट उम्किन सफल भएका हुन् । उनी अहिले देबदह प्रहरी चौकीमा प्रहरी छन् । प्रहरीले अनुसन्धान सहित सुरक्षा सर्तकता बढाएको छ ।
पुस ४ गते दिउसै सोहि स्थानमा युवा संघ रुपन्देहीका अध्यक्ष दुर्गा तिवारीको हत्या गरिएको थियो ।
थप बिबरण आउन बांकी छ ।
